Бұл туралы компанияның баспасөз қызметі хабарлады.
Алматы қаласының бұрынғы әкімі, Президент Әкімшілігі басшысының орынбасары Ерболат Досаев “Самұрық-Қазына” АҚ Директорлар кеңесінің құрамына енді, деп хабарлайды inbusiness.kz сайты.
“Президент Әкімшілігі басшысының орынбасары Досаев Ерболат Асқарұлы “Самұрық-Қазына” АҚ Директорлар кеңесінің мүшесі болып сайланды”, – делінген “Самұрық-Қазына” АҚ таратқан ақпаратта.
Бүгінде “Самұрық-Қазына” АҚ директорлар кеңесінің 8 мүшесі бар. Оның 4-уі – тәуелсіз директор.
Айта кету керек, бұған дейін Ерболат Досаевтың жаңа қызметке тағайындалғанын жазғанбыз.
Ерболат Асқарбекұлы осы жылдың мамыр айында Алматы қаласының әкімі қызметінен босатылды.
