5 қазан күні таңертең Б. Құлманов көшесіндегі көпқабатты үйлердің бірінде жолаушылар лифтімен оқиға орын алды.
Тұрғындардың айтуынша, сағат 10:05 шамасында ішінде төрт ересек адам болған лифт үшінші қабаттан құлаған. Алдын ала мәлімет бойынша, бұған техникалық ақау себеп болуы мүмкін.
Зардап шеккендерді дәрігерлер қарап шықты. Куәгерлердің алдын ала мәліметінше, үш адам Атырау облыстық ауруханасына жеткізілді, ал тағы бір адам ауруханаға жатудан және медициналық көмектен бас тартты.
Қолда бар ақпаратқа сәйкес, ешкім ауыр жарақат алған жоқ. Оқиғаның мән-жайы анықталуда.
Анастасия ШЕРСТЯНКИНА
Бүгін, 15:00
Дереккөз: Ақ Жайық
