Қытаймен шекарада жаңа айналма жол салынады, деп хабарлайды 24kz.
Нақтырақ айтсақ, құрылыс «Нұр жолы» өткізу бекетінің айналасында жүргізілмек. Мұны Премьер-министр бельгиялық Sarens компаниялар тобы директорлар кеңесінің төрағасымен кездесуінде талқылады. Людо Саренс ынтымақ орнатуға әзір. 50 млн долларға жуық инвестиция құюға да қарсы емес. Жоба бойынша ұзындығы 3 шақырымнан асатын, ені 12 метр айналма жол салынады. Бұл 100 тоннадан артық ірі габаритті жүктерді өткізуге қолайлы. Сондай-ақ 81 гектар аумаққа көлік тұрағы жоспарланып отыр. Нәтижесінде шекара маңы инфрақұрылымы кеңейіп, көлік ағындарына жүктеме азаяды.
