Биыл «Келешек мектептері» жобасы аясында 112 білім ордасы пайдалануға беріледі. Жаңа оқу жылында қосымша 200 мыңнан аса оқушыға заманауи мектепте білім алуға мүмкіндік туады.
Ұлттық жоба аясында барлығы 460 мың оқушыға арналған 217 мектеп салу жоспарланған. Былтыр жаңа форматтағы 105 білім мекмесі салынды. Ал, биыл тағы 112-сі пайдалануға беріледі. Аталған жоба арқылы салынған мектептер — заманауи. Олардың жалпы аумағы 15–20%-ға үлкен, ал техникалық жабдықталу деңгейі төрт есе жоғары. Әр мектепте робототехника кабинеттері, STEM-зертханалар, би залдары, коворкинг аймақтары мен төрт спорт залға дейін қарастырылған.
Самал Қабышева
