Үндістанның Уттаракханд штатында көшкін салдарынан төрт адам қаза тапты.
Тағы елуге жуық тұрғын із-түзсіз жоғалған. Табиғи апат елді мекендерді түгел шайып кеткен. Құтқару жұмыстарына төтенше жағдайлар қызметі жұмылды. Аймақта 200 миллиметрге дейін жауын-шашын түсіп, қызыл деңгейдегі ескерту жарияланған. Мамандар апатты климаттың өзгеруі әрі Гималайдағы мұздықтардың еруімен байланыстырады. Билік өкілдері толассыз жауыннан тағы да лай көшкіні жүруі мүмкін деп қауіптеніп отыр.
