«Біздің қоғамымызда заң мен тәртіп үстемдік құруға тиіс». Бұл Мемлекет басшысының жолдауында айтылды. Бүгінде әділетті Қазақстан құру жолында бірқатар өзгерістер енгізіліп жатыр. Мәселен, осыдан екі ай бұрын Қазақстанда кассациялық соттар жұмысын бастады. Шілде айында кассациялық соттарға 5 мыңға жуық арыз-шағым түскен. Бұл органның негізгі міндеті – сот актілерін қабылдау кезінде заңдардың дұрыс қолданылуы мен түсіндірулерінің сақталуын қамтамасыз ету. Кассациялық соттар Астана қаласында жасақталып, барлық өңірден келген шағымдарды қарайды. Осыған дейін азаматтар аппеляция шешімен келіспесе, іс Жоғарғы сотқа өтіп, шағымдардың 25 пайызы ғана қаралған. Енді арыз-талап, сот процесі кезінде болған кемшіліктер назардан тыс қалмайды.
Жамаладин Ибрагимов, Заң ғылымдарының докторы:
Шағымданушы азамат үкімнің заңды не заңсыз екеніне күмәнданса да, кассациялық сотқа арыз беріп, оның заңдылығына көз жеткізе алады. Конституцияның 13-бабында көрсетілген сотқа қолжетімділік құқығы – қоғамда өмірде қолданылуы тиіс екенін айқын көрсетіп тұрған норма.
Темірлан Нұржанұлы
