Финляндияда XVIII ғасырдың соңында салынған Кюменегород қамалы бар болғаны 1 еуроға сатылды, деп хабарлайды El.kz ақпарат агенттігі.
Қамал қайта қалпына келтіріліп, болашақта мәдени-демалыс мақсаттарында пайдаланылатын болады.
Сауда келісімінің құны – 1 еуро, ал қамалдың бұрынғы иесі мемлекеттік Senate Properties компаниясы оның жыл сайынғы күтіміне 200 мың еуро жұмсап отырған. Қаржы министрлігінің бағалауынша, қамалды толық реконструкциялауға шамамен 18 миллион еуро қажет.
Gazeta.ru мәліметінше, Кюменегород қамалы 1791–1795 жылдары Ресей империясы мен Швеция арасындағы шекараны қорғау үшін салынған. Алайда 1808–1809 жылдардағы Ресей–Швеция соғысынан кейін ол өз маңыздылығын жоғалтты. 1917 жылға дейін бұл қамалда Ресей гарнизоны орналасқан.
