Агроөнеркәсіпті дамыту үшін алдымен ғылымға мән беру қажет. Алматыда фермерлер, ауыл шаруашылығы техникасын жасаушы компаниялар мен ғалымдар «Агроинженерия ғылыми-өндірістік орталығында» өткен ашық есік күнінде бас қосты, деп хабарлайды 24kz.
Жиналғандар отандық өндірісті қолдау тетіктерін талқылады. Ғылыми қауымдастық пен машина жасау өндірісінің арасындағы байланысты нығайту жолдарын пысықтады. Кездесуде диқанға қажетті техникалар көпшілік назарына ұсынылды. Мәселен «Агроинженерия ғылыми‑өндірістік орталығы» кейінгі 7 жылда 33 ауылшаруашылық құралын өндіріске енгізді. Бұл техникалар ауыл шаруашылық дақылдарын өсіруге және мал күтіміне арналған.
Азамат Бейісбеков, «Агроинженерия ғылыми-өндірістік орталығы» ҒЗИ басқарма төрағасы:
- Негізі орталықтың тарихы 1948 жылдан басталады. Қазіргі уақытта мемлекеттің тапсырмасы бойынша 3 бағдарламаны қаржыландыруға қатысып отырмыз. Екі грантқа қатысып отырмыз. Олардың шеңберінде осы екі жылдың ішінде 12 жаңа үлгі техника жасалатын болады.
