Иракта күн жанып тұр. Кей өңірлерде сынап бағанасы +50 градусқа дейін жеткен, деп хабарлайды 24kz.
Ми қайнатар ыстықтан қорғану үшін жұрт өзен-көлді жағалап, қаладағы субұрқақтарға да шомылып жүр. Метеорологтардың болжауы бойынша ыстық аптаның соңына дейін сақталады. Жергілікті билік тұрғындарға үйлерінен тек қажет жағдайда шығып, көбірек су ішуге кеңес береді.
