Алматыда «Қытай ұлттық өнер музейі» жауһарларының көрмесі ашылды, деп хабарлайды 24KZ. Экспозицияға қордан алынған кескіндеме , графика туындылары және мүсіндер қойылған.
Келушілер көрші елдің суретшілерінің еңбегімен Әбілхан Қастеев атындағы мемлекеттік өнер музейінде таныса алады. Көпшілікке дәстүрлі Қытай кескіндемесі – сиямен қағазға салынған туындылар да ұсынылды. Бұл шығармалар ХХ-ХХІ ғасырларды қамтиды. 2018 жылы Әбілхан Қастеев атындағы өнер музейі «Жібек жолы музейлері мен галереялары» Халықаралық альянсының құрамына кірді. Кәсіби өнер ұйымдарын біріктіру бастамасы Қытай Ұлттық музейіне тиесілі. Ол альянсқа мүше елдердің арасында мәдени ынтымақтастық пен өзара тәжірибе алмасуды көздейді. Көрме 3 тамызға дейін жалғасады.
Фань Инцин, Қытай ұлттық өнер музейі көрме бөлімінің қызметкері:
- Осы көрме арқылы қытайлық суретшілердің еңбектерін танытқымыз келді. Бұл туындылардан авторлардың ішкі жан дүниесін де байқауға болады. Көрме Қазақстан мен Қытай арасындағы мәдени көпір іспетті.
Гүлайым Жұмабекова, Ә. Қастеев атындағы ҚР Мемлекеттік өнер музейінің директоры:
- Қытай елінде міндетті түрде осы біздің музейдің қорынан көрме ұйымдастыру керек болады. Өйткені біз қазір 2026 жылға жоспарлап отырмыз. Осы мәселені қарастырып, сол кісілермен келісіп, біздің қордағы қандай жұмыстарды апаратынымызды шешіп, сол жайында біз қазір үлкен жұмыстар жүргіземіз.
