Қостанай облысындағы су тасқынына қарсы шараларға Үкіметтен 1 миллиард теңге бөлінді. Мемлекет басшысының тапсырмасын жүзеге асыру мақсатындағы қаулыға Премьер-министр Олжас Бектенов қол қойды.
Былтыр Қарасу ауданында ұзындығы 38 шақырым болатын электр желілерінің 200-ден астам тірегі су астында қалған еді. Осылайша тұрғындардың электр қуатынсыз қалу қаупі туындаған. Жергілікті әкімдік аталған жағдайды ескеріп, қазір өңірде 14 шақырым су бұру арнасын салуды қолға алды. Құны 1,9 миллиард теңге болатын жоба қаржысының бір бөлігі облыстық бюджеттен бөлінеді.
