Кейінгі екі айда Солтүстік Қазақстан облысында 400-ден аса адамды кене шақты, деп хабарлайды 24kz.
Оның әрбір төртіншісі бала. Санитарлық-эпидемиологиялық қызмет мамандарының айтуынша, зиянкестердің бұлайша белең алуына күннің ерте жылынуы себеп.
Осыған байланысты жәндіктерді улау, екпе салу басталды. Орманшы, малшы, механизаторлар бақылауға алынған. Қазір облыс бойынша 600-ге жуық адам вакцина салдырды. Кене энцефалитімен 5 адам ауруханада жатыр.
Айнаш Сағындықова, Санитариялық-эпидемиологиялық бақылау департаментінің бас маманы:
- Оның үш жағдайы Петропавл қаласында, екі жағдайы Қызылжар ауданында. Осы ауырып қалған бес науқас қазіргі таңда ем қабылдауда. Жағдайлары жақсы.
