Аталған бағытта жұмыстар жалғасып жатыр.
Қызылорда қаласының прокуратурасы бюджет қаржысының мақсатты жұмсалуына жүргізген талдау барысында жалпы құны 2,8 млрд теңгені құрайтын заң бұзушылықтарды анықтады, деп жазады inbusiness.kz сайты.
-
1,4 млрд т теңгелік көше жөндеу конкурсына бұған дейін жөнделген көше енгізілген;
-
нақты мекенжайы мен жұмыс көлемі айқын көрсетілмеген жобалық-сметалық құжаттамаға сүйене отырып, тағы 1,2 млрд т теңгеге күрделі жөндеу конкурсы жарияланған;
-
қала көшелерін санитарлық тазалау жұмыстары қолданыстағы шарт бойынша орындалып жатқанына қарамастан, қосымша тазалау үшін 223,2 млн т теңгелік мемлекеттік сатып алу рәсімі басталған.
Прокуратура енгізген қадағалау актісінің нәтижесінде аталған үш конкурс (жалпы сомасы 2,8 млрд т) күшін жойып, бюджет қаражатының орынсыз жұмсалуына жол берілмеді.
