Апаттан 5 адам зардап шегіп, төртеуін жедел жәрдем бригадасы Екібастұздағы ауруханасына жеткізген. Арасында 16 жастағы қыз да бар, деп жазады Skifnews.kz ақпарат порталы.
Өңірлік полиция департаментінен хабарлағандай "Астана-Павлодар" автожолында үш автокөлік соқтығысқан.
"Автобанның 118-шақырымында үш автокөлік соқтығысқан. Полиция жол-көлік оқиғасы бойынша тексеру жүргізуде, оның салдарынан 5 адам ауруханаға жеткізілді. Оқиғаның мән-жайы анықталып жатыр", — деп мәлімдеді департаменттің баспасөз қызметінен.
Ал өңірлік жедел жәрдем стансасының мәліметінше, жол апатынан 4 адам зардап шеккен. Олар – 2009 жылғы қыз бала және 1970, 1994, 1998 жылғы ер адамдар. Зардап шеккендердің барлығы Екібастұз қалалық ауруханасына жеткізілген.
Посмотреть эту публикацию в Instagram
Публикация от Типичный Павлодар (@tipavlo.dar)
