Болгарияның София қаласында көркем гимнастикадан жасөспірімдер арасындағы әлем чемпионатының жекелей бағдарламасы тарихи оқиғалармен басталды, деп жазады inbusiness.kz сайты.
Қазақстандық гимнаст Ақмарал Ерекешева үш бірдей финалға 1-орынмен жолдама алып, екі жүлдеге ие болды.
Доппен көрсеткен өнері үшін Ерекешева 26.150 ұпай жинап, әлем чемпионы атанды.
Сондай-ақ, ол шығыршықпен орындалатын жаттығуда 26.950 ұпай жинап, күміс медаль жеңіп алды.
Бұған қоса бүгін Ақмарал Ерекешева таспамен, ал Айғаным Рысбек ұршықтармен орындалатын жаттығу финалына қатысады.
