Әйелге ядролық сынақтар салдарынан зардап шеккендерге берілетін куәлік берілмеген.
Шығыс Қазақстан облысының Глубокое ауылында тұратын әйел радиациялық қауіп жоғары аймақта тұрғанын растайтын куәлікті алудан бас тарту туралы шешімді сот арқылы даулады, деп жазады inbusiness.kz сайты.
Уәкілетті орган куәлікті құжаттың болмауына байланысты оған куәлік бермеген.
Жоғары соттың хабарлауынша, уәкілетті органның бас тартуына құжаттық дәлелдердің жоқтығы себеп болған. Алайда азаматша бұл шешіммен келіспей, сотқа жүгінеді.
"Семей ядролық сынақ полигонындағы ядролық сынақтар салдарынан зардап шеккен азаматтарды әлеуметтік қорғау туралы" заңға сәйкес, 1966 жылдан 1990 жылға дейін жер астында ядролық жарылыстар жүргізілген кезеңде аталған аумақта тұрған, жұмыс істеген немесе әскери қызмет атқарған азаматтар зардап шеккендер санатына жатады. Оларға жеңілдіктер мен өтемақы алуға құқық беретін арнайы куәліктер беріледі.
Шығыс Қазақстан облысының Глубоков аудандық соты азаматшаның 1990 жылы Белоусовка елді мекенінде сегіз ай тұрғанын растайтын жеткілікті дәлелдер бар деген қорытындыға келді. Бұл өңір радиациялық қаупі жоғары аймақ ретінде белгіленген.
Сотта мынадай құжаттар ұсынылды:
- туу туралы куәлік;
- балалар үйінен берілген анықтама;
- азаматтық хал актілерінен үзінділер.
Бұл құжаттар анасының Белоусовкада тұрғанын көрсеткен. Сонымен қатар, оның әпкесі мен ағасы да Белоусовкада отбасымен бірге тұрғандарын айтқан. Сот талапты толық қанағаттандырып, азаматшаның 1990 жылы радиациялық қауіпті аумақта тұрғанын ресми түрде мойындады.
Шешім әзірге заңды күшіне енген жоқ.
