Ол қазір Еңбек ресурстарын дамыту орталығының басшысы қызметін атқаратын еді.
Аталған ақпаратты Еңбек және халықты әлеуметтік қорғау министрлігі растап отыр, деп хабарлайды inbusiness.kz сайты.
– Еңбек және халықты әлеуметтік қорғау министрлігі "Еңбек ресурстарын дамыту орталығы" АҚ басшысының ұсталғаны туралы ақпаратты растайды. Министрлік тергеу органдарына белгіленген тәртіп бойынша көмек көрсетіп жатыр, – делінген ресми хабарламада.
Еңбек министрлігі тергеу барысына қатысты барлық сұрақ уәкілетті органдардың құзыретіне жататынын ескертуде.
Айта кетейік, Ақмәди Сарбасов өзге жұмысқа ауысуына байланысты Еңбек және халықты әлеуметтік қорғау бірінші вице-министрі қызметінен босатылған еді.
Бұған дейін экс-министр Марат Бекетаевтың 9 жылға сотталғанын да жазған болатынбыз.
