Қайғылы оқиға 8 шілдеде сағат 17:30 шамасында болған.
Маңғыстау облысының Мұнайлы ауданында автобустың қатысуымен жол апаты орын алып, салдарынан 10 жасар қыз қаза тапты, деп хабарлайды inbusiness.kz сайты.
Баланы Ақтау-Маңғыстау бағыты бойынша қатынайтын автобус қаққан. Қыз бала алған ауыр жарақаттарына байланысты оқиға орнында көз жұмды.
"Автобус жүргізушісіне қатысты ҚР Қылмыстық кодексінің 345-бабының 3-бөлігі, яғни "Абайсызда адамның өліміне әкеліп соққан жол жүрісі немесе көлік құралдарын пайдалану қағидаларын бұзу" бойынша сотқа дейінгі тергеп-тексеру басталды. Көлік айып тұрағына қойылды", деп хабарлады аймақ полициясы.
