Тревел-блогер Адай Мырзатай әлеуметтік желідегі парақшасында Ақтаудағы жағалаудың 2013 және 2025 жылдардағы жағдайын салыстырып, видео жариялады, — деп хабарлайды Massaget.kz тілшісі Lada.kz сайтына сілтеме жасап.
Желі қолданушылар видеодағы өзгеріске назар аударған: 12 жыл ішінде теңіз айтарлықтай тартылып қалған.
Посмотреть эту публикацию в Instagram
Публикация от Мырзатай Адай (@adaymyrzatay)
Видео желі қолданушылары арасында алаңдаушылық тудырды:
"Бұл – XXI ғасырдың апаты".
"Аралдың тағдырын қайталай ма деп қорқамын".
"Қорқынышты. Бұдан кейін не болмақ?".
"Каспийді құтқарыңдар!".
Экологтар мен мамандар Каспий теңізінің тартылуын бірнеше фактормен байланыстырады: табиғи циклдер, климаттың өзгеруі және су жинау алаптарын шамадан тыс пайдалану.
Бұған дейін халықаралық және қазақстандық сарапшылар су айдынының тартылуы мәселесін зерттеген болатын. Олар өз зерттеуінде жағдайдың ушығуы мүмкін бірнеше апатты сценарийін ұсынды және мәселені шешудің бірқатар жолын атады.
Атап айтқанда, жаңа зерттеулердің нәтижесі тіпті судың орташа деңгейде төмендеуі де Каспийдің Қазақстанға тиесілі солтүстік жағалауына қатты әсер ететінін көрсетіп отыр. Бұл — сирек кездесетін жануарлар мекенінің жойылуына, балық аулау мен кеме қатынасының бұзылуына, сондай-ақ халық денсаулығына қауіп төнуіне әкеп соғуы мүмкін.
Аптаның басты оқиғалары мен пайдалы видеоларды көру үшін YouTube арнамызға жазылыңыз
