Бұл туралы ТМД елдерінің үкімет басшылары кездескен халықаралық экологиялық жиында айтылды
Бұл туралы Caravan.kz медиа порталы Sputnik.kz-ке сілтеме жасап хабарлайды.
Ресейде ТМД елдерінің үкімет басшыларының қатысуымен халықаралық экологиялық конференция өтіп жатыр.
Конференцияға Қазақстан, Ресей, Армения, Беларусь, Қырғызстан, Тәжікстан, Түрікменстан, Өзбекстан елдері қатысып жатыр.
Ресей премьер-министрі Михаил Мишустин конференцияның пленарлық отырысында Каспий маңы елдеріне Каспий деңгейінің ауытқуын болжаудың ұзақ мерзімді моделін құру бойынша бірлесіп жұмыс жасауды ұсынды.
Ол климаттық жаһандық өзгеруімен байланысты болып жатқан Каспий теңізінің таяздану мәселелеріне мұқият назар аудару қажеттігін атап өтті.
«Мұнда басты міндеттердің бірі — осы бірегей су айдыны деңгейінің ауытқуын болжаудың тиімді және ұзақ мерзімді моделін құру. Оның негізінде экономикалық қызметті құру және ықтимал жағымсыз салдарды азайту. Ресейдің табиғи ресурстар және экология министрлігі қазірдің өзінде осы бағытта жұмыс істеп жатыр. Шетелдік әріптестерді қосылуға шақырамын», — деді Мишустин.
Іс-шарада премьер-министр Олжас Бектенов Каспий теңізін сақтау үшін шешуші және үйлестірілген іс-қимыл жасау қажеттігін мәлімдеді.
«Екі мыңыншы жылдардың басынан бастап Каспий теңізі деңгейінің төмендеу үрдісі байқалады. Осы және басқа да мәселелерді зерттеу үшін Каспий теңізінің қазақ ғылыми-зерттеу институты құрылды. Өкінішке орай, ғалымдардың болжамдары көңіл көншітпейді, осы бірегей су айдынын сақтау үшін барлық Каспий маңы мемлекеттерінің батыл, үйлестірілген іс — қимылдары қажет», — деді Бектенов.
Ол бұл ретте Арал теңізін мысалға келтірді. Қазіргі уақытта су қоймасы мен жағалау аймақтарын ішінара қалпына келтіру жұмыстары жүргізіліп жатыр, деді Бектенов.
