18 қыркүйекте Астанада Әлемдік және дәстүрлі діндер көшбасшылары съезі аясында Жас дінбасылардың II форумы өтеді.
Кездесуге әлемнің шамамен 60 елінен 100-ден астам делегация қатысады. Олардың қатарында әлем діндерінің рухани көшбасшылары, халықаралық ұйымдардың өкілдері, саяси және қоғам қайраткерлері бар. Сарапшылар дінаралық диалогтың маңызын атап өтті. Мұндай іс-шаралар лаңкестік пен климаттың өзгеруі сияқты жаһандық сын-қатерлерді бірлесіп еңсеруге және сенімді арттыруға ықпал етеді дейді.
Дженни Крюс, Warley woods қасиетті хильда шіркеуінің қызметкері:
- Климаттың өзгеруі – бәрімізге ортақ, әділеттілікке тікелей әсер ететін маңызды тақырып. Әртүрлі дін өкілдерімен кездескенде, бұл мәселенің әр аймақта қалай сезілетінін жақсырақ түсінеміз. Ал лаңкестікке келсек, адамдар арасындағы сенімсіздік көбіне бір-бірімен ашық сөйлеспегеннен туындайды. Сондықтан осындай форумдар өте құнды. Олар дінбасыларды жақындастырып, қате түсініктерді жояды.
