Мысыр елінің Сыртқы істер министрлігі жаңа талаптарын жариялады.

Тізімде Қазақстан, Қырғызстан және Тәжікстан Республикасынан келетін азаматтардың Шарм-эль-Шейхке кіру ережелері өзгерген, деп жазады inbusiness.kz сайты.

Енді Қазақстан азаматтары 21 жасқа дейінгі балалар туыстарымен (әже, ата, тәте, көке, ағасы, әпкесі) бірге сапарға шықса, бір ата-анасынан нотариалды расталған келісімхат қажет. Онда ел мен сапар мерзімі көрсетілуі тиіс.

Қажетті құжаттар тізімі:

  • Баланың туу туралы куәлігі;
  • Туысының паспорты;
  • Орыс және ағылшын тілінде нотариалды расталған келісімхат.

Сонымен қатар, аталған елдердің азаматтары егер толық туристік пакетсіз (тек әуе билетімен) баратын болса, онда:

  • Мысыр елшілігінде алдын ала виза рәсімдеуі;
  • Ұлттық қауіпсіздік қызметінен арнайы рұқсат алуы қажет.