Сотталған азаматтың қарызы 8,1 млн теңгеден асқан.
Сырдария ауданында кәмелетке толмаған балаларына алимент төлеуден әдейі жалтарған ер адамға сот үкімі шықты, деп жазады inbusiness.kz сайты.
– "Т" есімді азамат 2016 жылдан бері алимент төлемей келген. Төлеуге мүмкіндігі бола тұра, ол 9 жыл бойы әрекетсіздік танытқан. Берешек сомасы 8 173 713 теңгеге жетті, – делінген соттың хабарламасында.
Қызылорда облысының кәмелетке толмағандар істері жөніндегі мамандандырылған ауданаралық соты оны ҚР ҚК-нің 139-бабы бойынша кінәлі деп танып, 1 жылға бас бостандығын шектеу жазасын тағайындады.
Үкім заңды күшіне енген жоқ.
