Университеттерге түсу процесі толығымен онлайн форматқа көшті.
Бұл туралы Цифрлық даму, инновациялар және аэроғрыш өнеркәсібі вице-министрі Мун Дмитрий Андреевич Орталық коммуникациялар қызметінде өткен брифингте айтты, деп хабарлайды inbusiness.kz сайты.
"Біздің есептеуімізге сәйкес, жоғары оқу орындарына бару қажеттілігінің алынып тасталуы азаматтар үшін жыл сайын шамамен 300 миллион теңге үнемдеуге мүмкіндік берген. Ұлттық бірыңғай тестілеудің қағаз сертификатын беру алынып тасталып, процесс автоматтандырылды. Бұл бағытта жыл сайын 83 млн теңге үнемделіп отыр. Бұл үдерістердің тиімділігі шамамен 90 пайызға жетті. Өйткені көптеген кезең қысқартылып, автоматтандырылды. 2023 жылдан бастап 26 мыңнан астам өтініш қаралды", – деді Дмитрий Мун.
