Астанада халықаралық ITS сауда платформасы мен ITS IDEAS инвестициялық талдау қызметі ұйымдастырған "ITS IDEAS 2025: жаһандық нарықтағы инвестициялық мүмкіндіктер мен сын-қатерлер" атты дәстүрлі конференция өтуде.
Іс-шара инвестициялар нарығын өзгертіп жатқан тәжірибелі мамандар мен сарапшыларды жинайды: жетекші брокерлік және басқарушы компаниялардың өкілдері, аналитиктер, қаржылық кеңесшілер мен сала көшбасшылары қатысуда. Конференцияны ITS бас атқарушы директоры Шыңғыс Қанапиянов ашты.
«Қысқа уақыт ішінде ITS өз инфрақұрылымын депозитарий мен ішкі сервистерді құрып, ауқымды өнімдік бағыттарды іске қосты. Бүгінде платформада 3000-нан астам өнім және толықтай ITS арқылы қолжетімді 300-ден астам ETF белсенді түрде сатылуда. Компания Қазақстаннан тыс жаңа нарықтарға белсенді түрде шығып жатыр», деп атап өтті ITS бас атқарушы директоры.
Шыңғыс Қанапиянов өз сөзінде ерекше назарды ITS Bolt және ITS Sharia атты екі бірегей индексіне аударды. ITS Sharia индексін ілгерлету бағытында компания исламдық қаржыландыруды дамытып, EFC аясында жұмыс істейтін Исламдық бизнес және қаржы қауымдастығының белсенді мүшесіне айналды.«ITS жаңа нарықтарды байланыстырып, әлемдік деңгейдегі сарапшылармен диалог орнатып келеді. Форум аясында Үндістаннан келген қонақ сөз сөйлеп, қарқынды дамып келе жатқан үнді нарығының дамуы туралы тәжірибесі мен көзқарасын бөліседі. Бағдарламада өңірлік ерекшеліктерді қамтитын микроэкономикалық шолу, өсу факторлары бойынша бөлек пікірталастар, сондай-ақ брокерлер мен зерттеушілер қатысатын жаңа форматтағы сессиялар бар. Олардың мақсаты – жаңа инвестициялық идеяларды қалыптастыру және инвесторларға жаңа зерттеулерді ұсыну. ITS Ideas 2025 форумы инсайттармен, оптимистік болжамдармен және жаңа өнімдермен бөлісетін алаңға айналып, ITS-тің жаһандық инвестициялық экожүйе құру жолында нақты қадамдар жасап жатыр», – деді Шыңғыс Қанапиянов.
Конференция қатысушылары мен қонақтарына «Астана» халықаралық қаржы орталығының басқарушысы Ренат Бектұров, ITS директорлар кеңесінің мүшесі Роман Горюнов та құттықтау сөз арнады.
«ITS Ideas конференциясында сіздерді қарсы алу мен үшін үлкен қуаныш. Бүгін бізде капитал нарығында дамып келе жатқан көптеген мамандар мен сарапшылар жиналды және біз осы жаңа жобаның дамуы туралы әңгімелесе аламыз. Бәріміз білетіндей, капитализм – бұл экономика емес, ал бәсекеге қабілетті экономиканың ерекшелігі – инновация: мәдениеттен инновацияға, корпорациялардан коллаборацияға дейін. Мен ITS Ideas-ты инновацияның жақсы үлгісі деп сенемін.
Ұйымдастырушыларға осындай алаң құрғандары үшін алғысымды білдіремін. Сондай-ақ, арнай қонағымыз, Bipa Alternatives компаниясының CEO және CIO-сы мырза Монтарионы мырзаға қош келдіңіз дегім келеді. Менің ойымша, Үндістан – өте қызықты әрі ауқымды экономика. Үнді достарыммен сөйлескенде әрдайым айтамын: Үндістан географиялық тұрғыда жақын, ал экономикалық тұрғыда одан да ірі. Сондықтан бұл екі нарық арасында жақсы қарым-қатынас қажет деп ойлаймын, себебі мұнда көптеген мүмкіндіктер бар. Сондай-ақ, мен Париж Федерациясының кейбір мүшелермен, соның ішінде сіздермен де сөйлескенін білемін. Сіздер білесіздер, мен Астана Халықаралық Биржасының CEO-сы болған кезімде FIAS-қа қосылғанбыз және FIAS та менің жүрегіме жақын», – деп атап өтті Ринат Бектұров.
Конференция жаһандық макроэкономика және 2025 жылғы қаржы нарықтарының негізгі трендтері тақырыбымен жалғасты. Freedom Holding Corp. компаниясының бас атқарушы директоры Тимур Турлов, Экономикалық зерттеулер институтының басқарма төрағасы Әсел Сәрсенбаева, ING ТМД бойынша бас экономисі Дмитрий Долгин геосаяси оқиғалардың ықпалы, сауда соғыстары мен тарифтік саясат, ақша-кредит саясатының өзгерістері, технологиялық жаңалықтар мен цифрлық активтер рөлінің артуы тақырыптары бойынша пікір білдірді.
Форумның маңызды бөлігі ислам қаржысына арналады. Сондай-ақ, Қазақстандық инвесторлардың мінез-құлқына арналған жеке сессия өтеді. Үндістан қор нарығындағы инвестициялар тақырыбы арнайы сессияда талқыланады. Конференцияны «Retail Revolution: қатысушылар мен инфлюенсерлердің диалогы» атты практикалық сессия қорытындылайды.
