Арнольд Шварценеггерге ұқсаған қазақстандық зейнеткер TikTok-та жұлдызға айналды, деп хабарлайды Skifnews.kz ақпарат порталы.

67 жастағы қазақстандық зейнеткер әйел әлеуметтік желі қолданушыларын ерекше физикалық мүсінімен таңғалдырды. Бар-жоғы үш күн ішінде оның бейнероликтері TikTok-та миллионнан аса қаралым жинап үлгерген.

Бейнелерді әйелдің қызы жариялаған. Көпшілік оны “Шварц-апа” деп атап кеткен. Әсіресе ауыл ішінде мотоцикл мініп жүрген сәттері жұртты таңырқатып, тіпті Арнольд Шварценеггерге ұқсатқандар да болған.

Қуатты дене бітімі желі қолданушыларын тәнті етіп, спортпен шұғылдануға мотивация берген.

– «Еуропа қарашы, бұл қазақтың апасы»,

– «Ауылдың тірегіндей апа екен»,

– «Шашының өзі 18 жастағы қыздікіндей»,

– «Нағыз сұлу әрі мықты жан. Ұзақ ғұмыр берсін, үлгі тұтамын»,

– «Қазақтың Томирисі ғой», – деп жазып, жылы пікір қалдырғандар көп болды.

@192.168.192 ♬ оригинальный звук — Шварц Апа