Түркістан облысы Отырар ауданында осыдан 20 жыл бұрын мектеп бітірген түлектер туған ауылына жаңа ойын алаңшасын салып берді, деп хабарлайды El.kz ақпарат агенттігі.
Ө.Жәнібеков атындағы мектеп-интернаттың 2005 жылғы түлектері өздері түлеп ұшқан алтын ұясы мен ауылға осылайша құрмет көрсетуді көздеген.
Нысанның ашылу салтанатына қатысқан аудан әкімі Қайрат Жолдыбайұлы елге көрсеткен үлгілі істері үшін түлектерге алғысын айтып, арнайы Алғыс хаттармен марапаттады.
Шара соңында мектептің төменгі сынып оқушылары арасында футболдан жарыс ұйымдастырылып, жарысқа қатысушы командаларға спорттық киім мен футбол доптарын табысталды.
