Сәбиге шұғыл медициналық көмек қажет болды.
Шұғыл түрде медициналық көмек қажет болған нәресте ТЖМ тікұшағымен елорда ауруханаларының біріне жеткізілді, деп хабарлайды inbusiness.kz сайты.
Министрліктің мәліметіне сүйенсек, “Қазавиақұтқару” тікұшағы Астана – Павлодар – Астана бағыты бойынша санитарлық рейсті орындаған.
“Ұшқыштар мен дәрігерлердің үйлесімді және жедел әрекеттерінің арқасында бала аман-есен жеткізілді”, – делінген хабарламада.
Сондай-ақ министрліктің баспасөз қызметі тікұшақтары елді мекендердің бір-бірінен алшақтығы жағдайында шұғыл медициналық көмек көрсетуге әрдайым дайын екенін атап өтті.
