Теннис пен Алматының тарихы бір арнада тоғысты.
Almaty Open еліміздегі алма өндірісінің көшбасшысы Amal Bio компаниясымен серіктестік орнатқанын хабарлады. Бұл әріптестік оңтүстік астананың басты нышандарының бірі – аты аңызға айналған апорт алмасын жаңғырту мен сақтау мақсатында жүзеге асырылады.
Бұл серіктестік терең мағынаға ие. Өйткені, апорт – Алматының айрықша символы әрі турнирдің бейресми тұмары. Оны Almaty Open логотипінен де, жеңімпаздарға берілетін кубоктан да байқауға болады. Енді Amal Bio арқасында бұл шырын мұрасы баршаға бұрынғыдан да жақындай түседі.
Турнир қонақтары мен қатысушыларын не күтіп тұр
- "Апорт – жеңіс дәмі": Турнир бойы теннисшілер, қонақтар мен жанкүйерлер Amal Bio ұсынған балғын, хош иісті апорт алмасының дәмін тата алады. Сондай-ақ Мишлен жұлдызы бар аспаз шақырылып, қарапайым алманы нағыз кулинарлық шедеврге айналдырудың сырын көрсетеді.
- Білім мен экосана: Серіктестік аясында мектеп оқушылары мен студенттерге арналған интерактивті дәрістер мен семинарлар өткізіледі. Amal Bio сарапшылары агромәдениет туралы айтып, өңірдің биоалуантүрлілігін сақтаудың маңызын түсіндіреді.
- Бірегей мерч: Арнайы дайындалған өнім жиынтықтары сатылады. Түскен қаражаттың бір бөлігі жаңа бақтар отырғызуға бағытталады – осылайша аңызға айналған апорт алмасы алдағы жылдарда да бізді қуанта бермек.
- "Алма ағашы" инсталляциясы: Турнир қонақтарына арналған ерекше фотоаймақ. Бұл шығармашылық арт-нысан іс-шара кеңістігіне жылылық пен әсемдік сыйлап, әсерлі суретке түсетін тамаша орын болмақ.
Almaty Open мен Amal Bio бірлесе отырып, теннисті ғана емес, сонымен қатар бау-бақша дәстүрлерін де жаңғыртпақ. Бұл бастама баршаға қазақ жерінің байлығы мен сұлулығын еске салып, дәстүрді сақтай отырып, жаңа тарих жазуға жол ашады.
Дәстүрді сақтай отырып, мәңгілік мұра қалдырамыз!
Beeline Janymda. Спортта және желіде тұрақты мобильді қолдау
