Әділдік талап еткен тұрғын құрылыс компаниясы шығынымды толық өтеп, кінәлілер заң алдында жауап берсін деп отыр.
Қызылорда-Жезқазған тас жолын жөндеп жатқан жұмысшылар ішімдікке сылқия тойып алып, жол апатына түсті, деп хабарлады 31 арнаның Информбюро ақпараттық бағдарламасы.
Төрт азамат отырған көлік қарсы бетке шығып, өзге машинамен соқтығысқан. Соның салдарынан бірнеше жолаушы жарақат алды. Зардап шеккен такси жүргізушісі мас күйінде рөлге отырған азаматтың бостандықта жүргеніне наразы. Әділдік талап еткен тұрғын құрылыс компаниясы шығынымды толық өтеп, кінәлілер заң алдында жауап берсін деп отыр.
Жарақат алған жолаушылар ауруханаға жеткізілген. Такси көлігін соққан азамат жол жөндеп жүрген жұмысшымын дейді. Тіпті ішімдік ішіп рөлге отырғанын да жасырмай айтты.
Салонда мас күйіндегі өзге де құрылысшылар болды дейді жүргізуші. Ал көлігі бүлініп, шығынға батқан азамат кінәсін мойындап отырған адамның бостандықта жүргені ақылға симайды дейді. Полицейлер болса жол апатының жай-жапсарын анықтап жатыр екен.
"Қазіргі уақытта жол көлік оқиғасының барлық мән-жайларын анықтау үшін тиісті тексеріс жүргізілуде. Сараптамалар тағайындалды. Кінәлілер анықталып, тиісті процессуалдық шешім қабылданады", – делінген Ұлытау облыстық ПД баспасөз қызметі.
"Қазавтожол" компаниясының өкілдер мердігерге тиесілі көліктің жол апатына байланысты пікір білдірмейміз деді. Ал күрделі жөндеу жұмыстары ұзаққа созылған Қызылорда-Жезқазған тас жолындағы жұмысшылардың тапа-тал түсте неліктен ішімдік ішіп жүргені белгісіз. Зардап шеккен такси жүргізушісі жолаушы тасымалдап нәпақа табады. Сондықтан ол машинасын тезірек жөндеп бергенін қалайды.
