Қазақстанда миллиардтаған теңгенің жанармайын ұрлағандар әшкере болды, — деп хабарлайды Massaget.kz тілшісі.
Қарашада Ақтөбе облысында мұнай өңдеудің бастапқы өнімін жалған құжаттар арқылы ұрлау және тасымалдаумен айналысқан адамдар анықталды. Екі өңірде ұйымдастырушылардың нұсқауымен шамамен 60 тонна мұнай өнімін заңсыз тасымалдаған жүк көліктерінің жүргізушілері ұсталды.
Тұрғын үйлер мен бір кәсіпорында жүргізілген тінту барысында шамамен 400 тонна мұнай өнімі, атыс және газ қарулары, заңға қайшы операцияларды растайтын құжаттар тәркіленді.
Сонымен қатар, шетелге мұнай өнімдерін контрабандалық жолмен шығару арнасына тартылған компанияның қызметі тексеріліп жатыр. Алдын ала деректер бойынша кәсіпорын құны шамамен 8 млрд теңге тұратын 30 мың тоннадан аса жанармайды экспорттаған.
"Қазанда мемлекеттік шекарадағы теміржол өткізу бекеттерінің бірінде осы компанияға тиесілі, көрші мемлекетке 300 тонна жанармай алып бара жатқан төрт вагон анықталды. Барлық дерек бойынша соталды тергеу жүргізіліп жатыр, тиісті сараптамалар тағайындалды", — деді полиция.
Өзекті жаңалықтарды өз уақытында оқу үшін Facebook парақшамызға жазылыңыз!
