Қазақстан президенті Қытай халқына қайғыра көңіл білдірді.
Қазақстан президенті Қасым-Жомарт Тоқаев ҚХР Төрағасына көңіл айту жеделхатын жолдады, деп хабарлайды Ақорда.
"Қасым-Жомарт Тоқаев Гонконг қаласында болған алапат өрт салдарынан көптеген адамның қаза табуына байланысты Си Цзиньпинге және барша Қытай халқына көңіл айтты", – деп жазады Ақорда.
Президент зардап шеккендердің тезірек сауығып кетуіне тілектестігін білдірді.
Оқи отырыңыз: Қытайда пойыздар сағатына 350 шақырыммен жүретін жаңа темір жол іске қосылды
Еске салайық, 26 қараша күні Гонконгтағы 4 мыңға жуық адам тұратын тұрғын кешенінде бірнеше биік ғимарат өртенді. Кейінгі мәлімет бойынша, 44 адам қаза болып, 279 адам із-түзсіз жоғалғандар қатарында, ал ауруханаға түскен ондаған адамның 45-і ауыр жағдайда жатыр.
