Қараша айының 28-30 күндері аралығында Абу-Дабиде Grand Slam турнирі өтеді.
Бұл туралы Caravan.kz медиа порталы ҰОК баспасөз қызметіне сілтеме жасап хабарлайды. Дзюдодан Абу-Дабиде (БАӘ) өтетін Grand Slam турниріне қатысатын Қазақстан құрамасының соңғы тізімі жарияланды. Аталмыш додада 14 қазақстандық балуан жүлдеге таласады. Нақтырақ айтсақ, еліміздің әйелдер құрамасынан 3 балуан белдессе, ерлер санатында 11 спортшы татамиге шығады. Соның ішінде 2024 жылғы Олимпиаданың қола жүлдегері Ғұсман Қырғызбаев та бар. Ерлер 60 келіге дейін: Мағжан Шамшадин, Аман Бақытжан 66 келіге дейін: Ғұсман Қырғызбаев, Нұрқанат Серікбаев 73 келіге дейін: Есет Қуанов 81 келіге дейін: Абылайхан Жұбаназар, Азат Күмісбай 90 келіге дейін: Ермахан Әнуарбеков 100 келіге дейін: Нұрлыхан Шархан, Марат Байқамұров 100 келіден жоғары: Еламан Ерғалиев Әйелдер 48 келіге дейін: Әбиба Әбужақынова 57 келіге дейін: Бақыт Құсақбаева 63 келіге дейін: Эсмигүл Куюлова Турнир 28-30 қараша аралағында өтеді.
