Алматыда Жетісу ауданында төрт көліктің қатысуымен ірі жол апаты орын алып, салдарынан бірнеше адам ауруханаға жеткізілді. Бұл туралы KAZ.NUR.KZ хабарлайды.
Kris_p_almaty_official Telegram-каналында Рысқұлов пен Суйінбай көшелерінің қиылысындағы көпірде ірі жол-көлік оқиғасы болғаны туралы хабарланды.
Алматы полиция департаментінің өкілдері жол апатына қатысты пікір білдіріп, оның мән-жайын айтты. Тәртіп сақшыларының хабарлауынша, жол-көлік оқиғасы бүгін түнде сағат 00:25-те Жетісу ауданында болған.
"Haval көлігінің жүргізушісі Рысқұлов даңғылымен келе жатып, рульді басқара алма" сол жақ жолақпен келе жатқан Chery маркалы автокөлікпен соқтығысып қалды. Нәтижесінде Haval жолдың қарсы жолағына шығып, тағы Audi мен Hongqi көліктерімен соқтығысты. Олар батыс бағытта жүріп келе жатқан.
Жол апаты салдарынан Haval жүргізушісі ауыр жағдайда жақын маңдағы ауруханаа, Audi автокөлігінің жүргізушісі мен Hongqi жолаушысы облыстық ауруханаға жеткізілді", — деді полицейлер.
Ескерту! Видеода бейәдеп сөздер кездеседі!
Мәтіннен қате тапсаңыз, бізге жазыңыз
