Қазгидромет 16, 17, 18 желтоқсанға арналған ауа райы болжамын жариялады, — деп хабарлайды Massaget.kz тілшісі.
Циклонның әсері
Циклон Қазақстан аумағының басым бөлігінде өз ықпалын сақтайды. Сондықтан қар жауады, елдің оңтүстігі мен оңтүстік-шығысында жаңбыр мен қар түр жауып, көктайғақ болады.
Республика бойынша желдің жылдамдығы 15-20 м/с, кей жерлерде 23-28 м/с-қа дейін күшейеді. Елдің оңтүстігі мен оңтүстік-шығысында түнгі, таңғы уақытта тұман түседі.
Ауа температурасы
- Батыс өңірлерде түнде ауа температурасы 10-18 градус аяздан 3-13 градус аязға дейін ауытқиды, күндіз 0-15 градус аяздан 3 градус аяз — 5 градус жылыға дейін көтеріледі.
- Солтүстік, орталық және шығыс өңірлерде түнгі уақытта температура 7-15 градус аяздан 12-28 градус аязға дейін төмендейді, күндіз 5-15 градус аяздан 8-18 градус аязға дейін өзгереді.
- Елдің оңтүстігі мен оңтүстік-шығысында түнде 3-11 градус аяздан 5-20 градус аязға дейін төмендеп, күндіз 5 градус аяз — 2 градус жылыдан 1-13 градус аязға дейін өзгереді.
Өзекті жаңалықтарды өз уақытында оқу үшін Facebook парақшамызға жазылыңыз!
