Биыл 16 мамырдан бері 164 мыңнан астам түлек Ұлттық бірыңғай тестілеуден өтті. Талапкерлердің 74%-ы тестті қазақ тілінде, 26%-ы орыс тілінде және 136 адам ағылшын тілінде тапсырған. Үшінші аптаның қорытындысы бойынша талапкерлердің 69%-ы шекті балл жинаған. Бес пән бойынша орташа балл — 65. Қазіргі таңда тестілеуге қатысушылардың басым бөлігі, «Математика-Физика», «Биология-Химия» пәндерін таңдаған. ҰБТ-ны өткізудің үш аптасында 206 рет ереже бұзылған. 98 талапкер смартфондарды және басқа да тыйым салынған заттарды алып кірмек болғаны үшін тестілеуден шеттетілген. Тағы 108 адам сынақ кезінде ережелерді бұзғаны үшін аудиториядан шығарылып, олардың нәтижелері жойылды.
Самал Қабышева
