АҚШ президенті Дональд Трамп 90-нан астам елге жаңа тарифтер жариялады. Жарлық Ақ үйдің сайтында шықты. Кедендік баж салығы енгізілген елдер қатарында Қазақстан да бар. АҚШ елімізден келетін импортқа 25 пайыз көлемінде тариф белгілеген. Трамптың түрлі елге жариялаған баж салығы 10 пайыздан бастап 41 пайызға дейін жетеді. Ең жоғары тарифтер Сирия, Лаос пен Мьянма және Швейцарияға енгізілсе, 10 пайыз көлеміндегі ең төмен салық Ұлыбритания мен Фолкленд аралдарына салынған. Кейбір елдердің тарифтерге көңілі толса, өзгелері ұлттық экономикаға қауіп төнеді деп алаңдаулы.
Арай Төлегенқызы
