Жолаушы пойызға үлгермей қалған жағдайда не істеу керек екені айтылды, — деп хабарлайды Massaget.kz тілшісі.
"Жолаушылар тасымалы" АҚ жолаушы пойызға кешігіп қалған жағдайда қалай әрекет етуі керек екенін түсіндірді:
- Алдымен вокзалдағы билет кассасына барып, жағдайды кассирге хабарлау қажет.
- Егер жолаушы пойызға үлгермей қалса, билет құнын жартылай қайтарып алуға мүмкіндігі бар. Алайда бұл рәсімді пойыз билетте көрсетілген станциядан жөнелтілген сәттен бастап бір сағат ішінде орындау керек.
- Ақшаны қайтару үшін жеке куәлік пен билетті ұсыну қажет.
- Кассир тиісті құжаттарды рәсімдеп, егер орын болса, келесі пойызға отырудың балама нұсқаларын ұсына алады.
- Қосымша ақпарат алу үшін 1433 нөміріне хабарласуға болады.
Еске салайық, бұған дейін жазда Қазақстанда қосымша пойыздар қосылатыны хабарланды.
Өзекті жаңалықтарды өз уақытында оқу үшін Facebook парақшамызға жазылыңыз!
