БАҚ өкілдері арасындағы 2 айға созылған футбол чемпионаты өз мәресіне жетті, деп хабарлайды 24kz.
Он алтыншы рет ұйымдастырылған біріншілікке 13 команда қатысып, өзара бақ сынасты. Нәтижесінде «Қазмедиа» командасы жеңімпаз атанып, «Метарейтингс» командасы екінші орынды, ал «Абай тв» ұжымы үшінші орынды қанжығаға байлап, үздік үштікке ілінді. Ал кубок финалында өткен тартысты бәсекеде «Метарейтинг» командасы көш бастады.
Айта кеткен жөн, осыдан 9 жыл бұрын қолға алынған BAQ liga – отандық ақпарат құралдары өкілдерінің басын біріктіріп, әріптестік ынтымақтасты арттыруға үлес қосып келе жатқан жоба. Осы уақытқа дейін шағын футболдан 16 маусым, волейболдан 6 чемпионат және командалық шахмат бәсекесі мен үстел теннисінен біріншілік ұйымдастырылды. Оған мыңға жуық БАҚ өкілі қатысқан.
Ербол Қайыров, «Метарейтингс» командасының жетекшісі:
- Біз қаза тапқан Нұрислам Ермекке осы жеңісімізді арнаймыз. Өкінішке орай, біздің ең үздік ойыншымыз болды және де отбасына да осы жеңісімізді арнаймыз. Жігіттер соңына дейін беріліп ойнады. Әрине, «Тумалас» командасы өте мықты ойнады. Дегенмен, чемпионатта оларды екі рет ұтып шықтық.
Азиз Жұмаділ, BAQ Liga жетекшісі:
- Бұған дейін «Хабар» агенттігінің 25-жылдығы атап өтілген BAQ Liga аясында, енді міне, биыл араға 5 жыл салып, 30 жылдығы да атап өтіліп жатыр. Алдағы уақытта «Хабар» телеарнасының 30 жылдығы аясында воллейболдан да 3-4 айға созылатын журналисттер арасындағы лига басталады. Ол тура бір айға созылады.
