Соңғы үш жылда елімізде ауыл әкімдерінің 72 пайызы жаңарған. Соның үштен бірі мемлекетте бұрын қызмет етпеген жаңа тұлғалар. Бұл туралы Шығыс Қазақстанға іссапармен барған сенат депутаты Бибігүл Жексенбай мәлім етті. Сондай-ақ енді ауыл-аудан әкімдерін жергілікті халық сайлайды. Шешім саяси жүйенің ашықтығы мен жаңа мүмкіндіктердің айғағы. Ел конституциясының 30 жылдығы қарсаңында өткен ашық алаңда депутат жергілікті басқару жүйесіндегі тың жаңалықтармен бөлісті.

Бибігүл Жексенбай, Сенат депутаты:

Қазірдің өзінде ұлттық құрылтайдың аясында 16 заң өмірге келіп, тағы бесеуі парламент қарауында жатыр. Яғни бұл – үкіметтік емес ұйымдардың азаматтық қоғам өкілдерінің бастамасымен дүниеге келген заңдар. Яғни ол ертең өмірге қажеттілігімен қатар, орындалатын нақты заңдар деп айтуға болады. Парламент сессиясының қорытындысы бойынша өзіңіз естіген де боларсыз, тек қана осы сессияның өзінде 158 заң жобасы қаралып, 89 заң қабылданды.

Олжас Керейхан