Жапонияда цунамиге байланысты 2 миллион тұрғын қауіпсіз жерге көшірілді, деп хабарлайды 24kz.
Елдің 220 қаласында ескерту жарияланды. Шаһарларда тұрғындар биік қабатты ғимараттар мен арнайы орталықтарға орналастырылып жатыр. Жергілікті метеорологтар толқындар 22 өңірде тіркелгенін хабарлады. Ең биігі 1,5 метр Иватэ аймағында соққан. Қазір бірнеше өңірде теміржол қатынасы мен әуе рейстері уақытша тоқтатылды.
