Қытай БАҚ-тары Қазақстанмен өткен келіссөз нәтижелерін жоғары бағалады , деп хабарлайды 24kz.
Синьхуа агенттігінің хабарлауынша, тараптар энергетика, технология, құрылыс, білім, спорт және табиғатты қорғау салаларында ынтымақтастық орнату туралы 20-дан астам құжатқа қол қойды. Ал Global Times Қазақстан мен Қытай қарым-қатынасы тарихи ең жоғары деңгейге жеткенін, былтыр тауар айналымы рекордтық көрсеткішке көтерілгенін жазды. CGTN телеарнасы болса, Қасым-Жомарт Тоқаевтың: «Екі ел байланысы тарихтағы ең жақсы кезеңде» деген сөзін келтірді. Бұдан бөлек, үкіметтік портал мен Қытай Сыртқы істер министрлігі стратегиялық серіктестіктің маңызын, энергетикалық ынтымақтастықты, көлік дәліздерін және мәдени алмасуларды дамытудың басымдығын атап өтті.
Қасым-Жомарт Тоқаев, Қазақстан Республикасының Президенті:
- Мен осы сапардың аясында қазақ-қытай іскерлік кеңесінің отырысына қатысамын. Қытайдың бірқатар ірі компаниясының басшыларымен кездесемін. Биыл Қазақстанда Қытай туризмі жылы екенін ерекше көңілмен атап өткім келеді. Екі елдің мәдени-гуманитарлық ықпалдастығын нығайтуға қолайлы жағдай жасалған.
