Ақмолалық диқандар орақ науқаны басталғалы 1 млн тоннадан астам астық бастырып үлгерді. Өнімділігі 13,2 центнер. Былтыр рекордтық көлемде астық жинаған ақмолалық диқандар биыл да мол өнімнен үмітті. Мемлекеттік қолдаудың арқасында шамамен 7 млн тоннаға жуық астық жинаймыз деп отыр. Үкіметтен бөлінген 12 миллиард теңге қаржы минералды тыңайтқыштарды субсидиялауға бағытталған. Сөйтіп шаруалар шығынның 60 пайызын өтеуге мүмкіндік алды. Осындай қолдауға ие болған Жақсы ауданындағы «Агрофирма ТНК» серіктестігі биылғы өнімділік өткен жылдан 30 пайызға жоғары болады деп болжап отыр.

Григорий Седов, шаруа:

Биыл өткен жылғыға қарағанда мол өнім жинаймыз деп үміттеніп отырмыз. Бидайымыздың сапасы да жақсы. Дәніндегі балауыз мөлшері шамамен 23-25 пайыз. Қазірдің өзінде өнімділік гектарынан 15 центнерді құрап отыр. Көрсеткіш жаман емес. Күн райы жақсы болса, осы айдың 3-ші онкүндігінде орақ науқанын толық аяқтаймыз.

Бибінұр Әмірханқызы