2025 жылғы 2 маусым кешке Астанада ірі жол-көлік оқиғасы орын алды. Алдын ала мәлімет бойынша, жолаушылар отырған автобустың жүргізушісі маневр жасау кезінде көлікті басқара алмай, ақпараттық бағанаға соғылған, деп хабарлайды Zakon.kz.
Сол күні кешке елордалық Полиция департаменті аталған факті бойынша қылмыстық іс қозғалғанын мәлімдеді.
Бүгін, 3 маусымда, Астана қаласының Қоғамдық денсаулық сақтау басқармасының баспасөз қызметі зардап шеккен жолаушылардың жағдайы туралы ақпарат берді.
Жедел медициналық жәрдем бригадалары арқылы қала стационарларына барлығы 15 адам жеткізілгені белгілі болды.
"Олардың үшеуі ауруханаға жатқызылды. Қалғандарына алғашқы көмек көрсетіліп, үйлеріне қайтарылды", – деді дәрігерлер.
Ауруханаға жатқызылғандардың жағдайы тұрақты ауыр және өте ауыр деп бағалануда.
"Бір науқастың екі төменгі аяқ-қолы кесілді. Барлық зардап шеккендерге толық көлемде қажетті медициналық көмек көрсетіліп жатыр", – деп хабарлады Қоғамдық денсаулық сақтау басқармасының баспасөз қызметі.
Жол апаты Самал шағын ауданында болған.
