Астананың қылмыстық істер жөніндегі ауданаралық соты балабақша тәрбиешісін кәмелетке толмаған балаға қатыгездікпен қарағаны үшін кінәлі деп таныды, деп хабарлайды Zakon.kz.
Сот материалдарына сәйкес, әйел 2025 жылғы қаңтар және ақпан айларында бірнеше рет жасөспірім тәрбиеленушіге күш қолданған.
"Видеожазбаларда тіркелген оқиғаларда баланы ұру, итеру және өзге де дөрекі әрекеттер болған. Бұдан бала физикалық тұрғыдан ауырсынып, жылаған. Сотталушының кінәсі куәгерлердің көрсетулерімен, сараптама қорытындысымен, бейнежазбалармен және өзге де айғақтармен дәлелденді", — деді сот өкілдері.
Сотталушы кінәсін толық мойындап, қатаң жаза тағайындамауды сұраған.
Жәбірленуші тарап бұл әрекетті ауырлау баппен саралауды талап етіп, моральдық өтемақы сұраған.
Сот тәрбиешіні кінәлі деп танып, 80 сағат қоғамдық жұмыс түрінде жаза тағайындады. Алайда рақымшылыққа байланысты оны жазадан босатты.
Жәбірленуші тараптың моральдық зиянды өтеу туралы азаматтық талабы ішінара қанағаттандырылды.
