2025 жылдың 21 шілдесінен 1 тамызына дейін Алматыда жылу желілеріне гидравликалық сынақтар жүргізіледі, деп хабарлайды Zakon.kz.
Мегаполис әкімдігі қаладағы барлық сегіз ауданда тексеру жұмыстары жүргізілетінін нақтылайды. Мақсат — алдағы жылыту маусымына дайындық.
"Сынақтар күн сайын таңғы сағат 4:00-ден 7:00-ге дейін жүргізіледі. Қала тұрғындары мен қонақтарына қауіпсіздік шараларын сақтауға кеңес беріледі", делінген әкімдік хабарламасында.
Тексеру кезінде қала тұрғындарының үйлеріндегі ыстық су өшірілмейді. Сонымен қатар, штаттан тыс жағдайлар туындаған кезде мегаполис тұрғындарына дереу мына телефон нөмірлері арқылы мамандарға хабарласуға кеңес беріледі: 378-06-48; 378-06-62; 341-07-00; 341-07-77; 1011 немесе 1014.
Бұған дейін Алматыда Желтоқсан көшесі осы демалыс күндері жабылатыны хабарланған.
