2025 жылдың 26 мамырына қараған түні Алматы облысы, Қарасай ауданындағы Үлкен Алматы айналма автожолында жол-көлік оқиғасы болды, деп хабарлайды Zakon.kz тілшісі.
Алдын ала мәлімет бойынша, Foton маркалы жүк көлігі оңтүстік бағытта қозғалып келе жатып, бірнеше шақырым жүрген соң кенеттен істен шыққан. Жүргізуші көлікті жолдың оң жақ шетіне тоқтатқан.
Көлік жүргізушісі мен оның жолаушысы — жүктің иесі — апат себебін анықтау үшін көліктен түскен. Арада бірнеше секунд өтпей жатып, жүк көлігіне үлкен жылдамдықпен Nissan Elgrand маркалы минивэн келіп соғылған.
Соққының қатты болғаны соншалық, ішінде салмағы шамамен 2,5 тонна болатын екі көтергіш құрал тиеулі тұрған Foton көлігі шамамен 40 метрге алға ұшып кеткен. Жүк көлігінің жүргізушісі соққы салдарынан жанға қарай ұшып кетіп, ауыр жарақат алған.
Оқиға кезінде жүк көлігінің кабинасында жүргізушінің әйелі мен екі кішкентай баласы да болған.
Оқиға салдарынан Foton жүргізушісі мен оның отбасы ауруханаға жеткізілді. Ал Nissan Elgrand көлігінің 1988 жылы туған жүргізушісі оқиға орнында көз жұмған. Ол алған жарақаттарынан жедел жәрдем келгенге дейін қайтыс болған.
Айта кету керек, минивэн де құрылысқа арналған құрылғылармен тиеулі болған.
Оқиға орнына Алматы облысының тергеуші мамандары келіп, оқиғаның мән-жайын анықтап жатыр. Барлық себептер мен жағдайлар тергеу барысында белгілі болады.
