Ақтөбе облысы Шалқар аудандық перзентханасында 35 жастағы келіншек 12 баласын дүниеге әкелді, деп хабарлайды Диапазон басылымына сілтеме жасаған KAZ.NUR.KZ.
Басылымның жазуынша, жаңа туған нәрестенің аты – Мұхаммед-Әли. Анасы мен ұлы 27 мамырда перзентханадан үйлеріне шығарылған.
"Бұл әйелдің – он бірінші жүктілігі, он екінші рет босануы. Осылай саналады, себебі егіз балалары бар. Ол кісі біздің Шалқар аудандық ауруханасында есепте тұрды. Дүниеге келген ұл баланың салмағы – 3400 грамм, бойы – 55 см.
Дүниеге келген кезде және перзентханадан шығаратын уақытта сәбидің жағдайы қанағаттанарлық, ешқандай шағым болмады. Анасымен бірге үшінші тәулікте үйлеріне шықты", — дейді Шалқар аудандық ауруханасының дәрігер-неонатологы Жанна Досова.
Айта кетейік, бұған дейін №66 "Астана – Жезқазған" бағытындағы пойызда қыз бала дүниеге келгенін жазған едік.
