«Google» енді құлаққап арқылы сөйлескен сөзді лезде аударып отыратын функцияны іске қоспақ. Жаңалық «Google Аудармашы» қосымшасында жұмыс істейді, яғни әңгіме үстінде айтылған сөз бірден екінші тілге ауысып, құлаққаптан естіліп тұрады.
Ең қызығы, жаңа жүйе адамның интонациясы мен сөйлеу ырғағын сақтауға тырысады. Соның арқасында әңгіменің мазмұнын түсіну және кім сөйлеп тұрғанын ажырату жеңілдейді. Аталған жүйе әзірше 70-тен астам тілді аударады. Қазір бұл мүмкіндік АҚШ, Үндістан және Мексикадағы кейбір «Android» қолданушыларына ғана қолжетімді.
