Израиль ғалымдары өсімдіктердің күйзеліске ұшыраған кезде дыбыс шығаратынын дәлелдеді.
Зерттеушілер арнайы құрылғының көмегімен өсімдіктерден шығатын дыбысты жазып алған. Дыбыстар ультрадыбыс жиілігінде болады. Яғни адам құлағы ести алмайтын деңгейде. Ғалымдар өсімдіктер 20-250 килогерц аралығында дыбыс шығаратынын анықтаған. Ал адам тек шамамен 16 килогерцке дейінгі дыбысты ести алады. Зерттеушілердің айтуынша, өсімдіктер дыбысты сусыз қалған кезде, жарақат алғанда немесе бұтағы сынғанда шығарады.
